काठमाडौं श्रावण १९, बुधबारको व्यवस्थापिका संसदको बुधवारको बैठकमा सरकारका तर्फबाट उपप्रधान एवम् सङ्घीय मामिला तथा स्थानीय विकासमन्त्री विजयकुमार गच्छदारले प्रस्तुत गर्नु भएको आयोग गठन विधेयक पारित भएको छ ।
प्रस्तुत आयोग गठन विधेयक पारित भएसंगै आयोग गठनको बाटो खुल्नुको अलावा संविधानत व्यवस्था भएको थप ६ वटा नयाँ आयोगमध्ये जनजाति आयोग र समावेशी आयोग राष्ट्रिय दलित आयोग, राष्ट्रिय समावेशी आयोग र आदिवासी जनजाति आयोग गठन हुने भएको छ । पारित विधेयक राष्ट्रपतिबाट प्रमाणीकरण भएपछि कार्यान्वयनमा आउनेछन् । त्यस्तै अव बन्ने आयोगमा संवैधानिक परिषद्को सिफारिसमा राष्ट्रपतिबाट आयोगमा अध्यक्ष र अन्य चार सदस्य पदाधिकारी ६ वर्षको लागि नियुक्ति हुने व्यवस्था संविधानले गरेको छ ।