मनोज झा मुक्ति /महोत्तरी ३१श्रावण, केहि दिन यताको अविरल वर्षापछि आएको वाढीको कारण मंगलवारसम्ममा महोत्तरीमा मृत्यु हुनेको संख्या ४ पुगेको छ । 
मंगलवार बाढीको पानीमा करेन्ट लागेर महोत्तरी–७, भंगहाका ४० वर्षीय महेश सिंहको मृत्यु भएको नेपाल प्रहरी महोत्तरीका प्रहरी उपरिक्षक कुवेर कडायतले जानकारी गराउनु भएको छ ।
त्यस्तै जिल्ला दैविक प्रकोप उद्धार समितिको बैठक बाढी गएको ३ दिन पछि बसेको छ । बैठकले सूची संकलनगरी यथाशिघ्र एकद्वार प्रणालीबाट पीडितलाई राहत सामाग्री उपलब्ध गराउने निर्णय गरेको छ । सोमवारदेखि महोत्तरी आइपुग्नु भएका प्रमुख जिल्ला अधिकारीले सहयोगी हातहरु अगाडी आउन अनुरोध गर्नुभएको छ । महोत्तरीमा वाढीका कारण अहिले सम्म ३४७ घर पुर्णरुपमा क्षतिग्रस्त भएको, ३१ सय घर डुबानमा परेको, ४० हजार परिवार पीडित बनेको र प्रत्यक्षरुपमा २ लाख व्यक्ति प्रभावित भएको प्रहरीले जनाएको छ । बाढीको समयदेखि नै सशस्त्र प्रहरी, जनपद प्रहरी र नेपाली सेना लगायतका सुरक्षा निकाय सक्रिय रहदै जनाएको छ ।
