काठमाडौ श्रावण २५, नेपाल प्रेस युनियनले पत्रकार महासंघका केन्द्रीय सदस्य सुरज आचार्यबारेमा सार्वजनिक गरेको छ बुँदे प्रतिवेदन आफ्नो गम्भिर ध्यानाकर्षण भएको जनाएको छ । युनियनका महासचिव अजयबाबु सिवाकोटीले मंगलवार जारी जारी विज्ञप्तिमा महासंघले सार्वजनिक गरेको छ बुँदे प्रतिवेदनले आरोपित आचार्यलाई सुनपानी छर्केर चोख्याउँने प्रयास भएको जनाएको छ ।
त्यस्तै विज्ञप्तिमा महासंघको प्रतिवेदनमा परिस्थितिजन्य कारण र दबाबमा परी ग्यारेजमा कुरा गरेको बताए पनि त्यो के परिस्थिति र दबाब हो भन्ने कुरा नगरी अमूर्त नै राखिएकाले यसमा संलग्नलाई समेत महासंघले उन्मुक्ति दिन खोजेको सहित नेपाली पत्रकारितालाई नै लज्जित बनाउने यो घटनाको निष्पक्ष र स्वतन्त्र छानबिन सहित पत्रकारको आचारसंहिताको अनुगमन गर्ने निकाय प्रेस काउन्सिल नेपाललाई पनि यस विषयमा तत्काल छानबिन गरी सत्यतथ्य बाहिर ल्याउन माग गरेको छ ।