काठमाडौ श्रावण २९, नेपाली काँग्रेसको केन्द्रीय कार्यसम्पादन समितिको प्रधानमन्त्री निवास बालुवाटारमा आज बैठकले केहि दिन यताको अविरल वर्षाका कारण आएको बाढी पहिरो प्रभावित जिल्लाका नागरिकहरुको सहयोगार्थ पार्टीका २सय ७ सांसदको एक महिना बराबरको तलब प्रधानमन्त्री दैवी प्रकोप उद्धार 
कोषमा जम्मा गर्ने निर्णय गरेको छ ।
त्यस्तै बैठकले देशभित्र र देशबाहिर रहेका पार्टीका कार्यकर्ता र शुभेच्छुकलाई बाढीपीडितको राहतका लागि पार्टीले स्थापना गर्ने राहत कोषमा रकम जम्मा गर्न आग्रह गर्ने निर्ण भएको बैठक पछि केन्द्रीय सदस्य डा प्रकाशशरण महतले जानकारी दिनु भएको छ । त्यस्तै बैठकले राहत तथा उद्धारमा जुट्न सरकारलाई आग्रह गर्नुका साथै पार्टी कार्यकर्तालाई पनि बाढी तथा पहिरो पीडितको उद्धारमा खटिन निर्देशन समेत दिएको छ ।
