काठमाडौ भाद्र १४, गत श्रावण ५ गतेको मन्त्रिपरिषद बैठकबाट सर्वोच्च अदालतका पूर्वन्यायाधीश कमलनारायण दासको अध्यक्षतामा गठन गरेको निर्वाचन क्षेत्र निर्धारण आयोगले प्रधानमन्त्री शेरबहादुर देउवालाइ प्रतिवेदन बुझाएको छ । आयोगको प्रतिवेदनमा संघीय संसद्का लागि १६५ र प्रदेश सभाका लागि ३३० गरी प्रत्यक्षतर्फ कुल ४९५क्षेत्र निर्धारण गरिएको छ ।
प्रतिवेदन अनुसार प्रदेश नं- १ मा २८, २ -३२, ३ – ३३, ४ – १८, ५ – २६, ६ -१२ र ७ नम्बर प्रदेशमा १६ वटा निर्वाचन क्षेत्र रहेका छन । प्रतिवेदन आज साँझ प्रधानमन्त्री निवास बालुवाटारमा आयोगका अध्यक्ष कमलनारायण दासले बुझाउनुभएको हो ।