काठमाडौं श्रावण २१ , महाजु फाउन्डेसनको व्याननरमा रोजगारीका लागि ल्हासा गएको युवक तथा उसकी नवबिबाहित श्रीमतीवीचको सम्बन्धमा आएको 
तिक्त्तता सहितको वियोगान्त परिवेशको कथाबस्तुमा केन्द्रीय रहदै प्रदिप खड्गीको निर्देशनमा चार भाषामा निर्माण हुने फिल्म ‘च्वापुफय’ अर्थात हिम आधीको शुक्रवार राजधानीमा एक कार्यक्रमकावीच शुभ मुर्हत गरिएको छ ।
काठमाडौं महानगरपालिकाका मेयर बिद्या सुन्दर शाक्यले उक्त फिल्मको शुभ मुर्हत गर्दै हिम आधी फिल्म नेवारी, नेपाली, अङ्ग्रेजी र चाइनिज भाषामा निर्माण हुनु भनेको आफैमा महत्वपूर्ण विषय भएको बताउँदै फिल्म युनिटलाइ सफलताको लागि शुभकामना दिनु भएको छ । कार्यक्रममा दिईएको जानकारी अनुसार उक्त फिल्मको नाम नेवारी भाषामा ‘च्वापुफय’, नेपाली भाषामा ‘हिम आधी’, अङ्ग्रेजी भाषामा ‘स्नो स्टोर्म’ रहेको जानकारी दिईएको छ ।
फिल्म ५० प्रतिशत काठमाडौं र बाँकी मुस्ताङ र ल्हासामा छायाङ्कन हुनेछ । यस फिल्ममा राजेन्द्र मान शाक्य, आशाकाजी थाकु, सुशिल राजोपाध्याय, पल्पसा डङ्गोल, मन्जु श्रेष्ठ, राजेन्द्र महर्जन, सुरेश महर्जन, श्याम श्रेष्ठ, बिनेश श्रेष्ठ, महेश प्रकाश हडा, गौतम महर्जन लगायतको अभिनय रहने छ भने शंकर महर्जनको छायाङ्कन रहने बताईएको छ ।
