नियमिततर्फ ३५ हजार ६६८ परीक्षार्थी उत्तीर्ण , आंशिकतर्फ चार हजार १३७ जना परीक्षार्थी उत्तीर्ण
भक्तपुर श्रावण २०, राष्ट्रिय परीक्षा बोर्ड सानोठिमीले गत वैशाख १० गतेदेखि सञ्चालन भएको कक्षा १२ को विज्ञान संकायको परीक्षा आज सार्वजनिक गरेको छ । आज बिहान बसेको बोर्ड बैठकपछि बोर्डले नतिजा सार्वजनिक गरेको हो ।
सार्वजनिक परिणाम अनुसार नियमिततर्फ कूल ४४ हजार ८९७ परीक्षार्थी सहभागी भएकामा ३५ हजार ६६८ परीक्षार्थी उत्तीर्ण भएको छ भने आंशिकतर्फ नौ हजार ४८९ जना परीक्षार्थी सहभागी भएकामा चार हजार १३७ जना परीक्षार्थी उत्तीर्ण भएको जनाएको छ । त्यस्तै नियमिततर्फ १७ जना र आशिंकतर्फ ३ जना गरि कुल २० जना परीक्षार्थीको परीक्षा रद्ध परीक्षार्थीको नतिजा रद्ध गरिएको बोर्डले जनाएको छ ।