बिराटनगर महानगरपालिकामा कांग्रेसको अग्रता जारी
काठमाडौं आषाढ २०, गत आषाढ १४ गतेसम्पन्न दोस्रो चरणको स्थानीय तह निर्वाचन अन्र्तगत मतगणनाको क्रम लगभग अन्तिर चरणका पुगेको छ । ३५ जिल्लाका ३ सय ३४ स्थानीय तहमध्ये अहिलेसम्म ८० प्रतिशत भन्दा बढि स्थानको मतपरिणाम आइसकेको आयोगले जनाएको छ । पछिल्लो समय सार्वजनिक भएको २ सय ७५ तहको परिणाम अनुसार एमालेले प्रदेश नम्बर १ मा ५३, प्रदेश ५ मा ३३ र प्रदेश ७ मा ३४ सहित १ सय २० सिट स्थानीय तह जितेका छन ।
त्यस्तै नेपाली काँग्रेस प्रदेश नम्बर १ मा ३८, प्रदेश ५ मा २९ र प्रदेश ७ मा ३६ स्थानीय तह सहित १ सय ०३ सिट जितेको छ । त्यस्तैगरि माओवादी केन्द्रले प्रदेश नम्बर १ मा ८, प्रदेश ५ मा १९ र प्रदेश ७ मा ७ स्थानीय तह जितेर ३४ सिट जितेको छ । , संघीय समाजवादी सिट , फोरमले ६सिट , फोरम लोकतान्त्रिक ५ सिट ,राप्रपाले ३ र राष्ट्रिय जनमोर्चाले २ सिट र स्वतन्त्र उम्मेदवारले १ सिट जितेका छन ।
यसैवीच बिराटनगर महानगरपालिकामा सहित ५ उपमहानगरको मतगणना जारी रहेको छ । जारी मतगणना परिणाम अनुरुप बिराटनगर महानगरपालिकामा नेपाली कांग्रेसका उम्मेदवारले आफ्नो अग्रतालाइ कायमै राखेका छन । यसअघि दाङको घोराही उपमहानगरपालिकाको घोषित परिणाम अनुसार मेयर र उपमेयरमा नेकपा एमाले विजयी भइसकेको छन भने नेपालगञ्जमा राप्रपाले जित हात पारेको छ ।
बिराटनगरमा कांग्रेसका उम्मेदवार भीम पराजुलीले एमाले र लोकतान्त्रिक फोरमका मेयर उम्मेदवार विनोद ढकाललाई पछाडि पार्दै मतगणनामा अग्रता लिइरहनुभएको हो । त्यसैगरी निर्वाचन भएका अन्य पाँच वटा उपमहानगरपालिका क्रमस कैलालीको धनगढी उपमहानगरपालिका काँग्रेसले र , ईटहरी , धरान, बुटवल र दाङको तुल्सीपुर उपमहानगरपालिकामा नेकपा एमाले अग्रता कायम गर्दै आएको पनि मुलत परिणाम आउँन अझै केहि दिन लाग्ने निर्वाचन आयोगले जनाएको छ ।