काठमाडौं आषाढ १९, दोस्रो चरणको स्थानीय तह निर्वाचन अन्र्तगत अहिलेसम्म २४२ स्थानीय तहको मत परिणाम सार्वजनिक भएको छ । सार्वजनिक परणाम अनुसार पहिलो चरणको चुनावमा पहिलो स्थानमा रहेको नेकपा एमालेले दोस्रो चरणको चुनावमा पनि १०४ तहमा जित हात पार्दै अग्र स्थानमा रहेको छ । पहिलो 
चरणको स्थानीय तहको चुनावमा एमालेले १२५ स्थानीय तह जितेको थियो । पहिलो चरणको चुनावमा पनि दोस्रो भएको कांग्रेसले ९५ वटा स्थानीय तहमा निर्वाचित हुँदै एमालेलाई पछ्याइरहेको छ । यस्तै तेस्रो स्थानमा रहेको माओवादीले ३२ स्थानमा निर्वाचित भएका छन ।
त्यस्तै गरि राप्रपाले एक स्थानीय तह जितेको छ भने घीय समाजवादी फोरम र नयाँ शक्तिले ५ स्थानीय तह जितेको छ । त्यस्तै फोरम लोकतान्त्रिकले २ र राष्ट्रिय जनमोर्चाले २ स्थानीय तह जितेको छ । अब ९२ वटा स्थानीय तहको मत परिणाम आउन बाँकी रहेको निर्वाचन आयोगले जनाएको छ । पछिल्लो विवरण अनुसार एमालेले ४१ र कांग्रेसले ३८ वटा स्थानीय तहमा अग्रता कायम गरिरहेका छन् । मतगणना भइरहेका स्थानीय तहमध्ये विराटनगर महानगर र धनगढी उपमहानगरमा कांग्रेस, नेपालगञ्ज उपमहानगरमा राप्रपा र बाँकी उपमहानगरमा एमालेको अग्रता कायमै रहेको छ ।
