काठमाडौं आषाढ २३ , भरतपुर महानगरपालिका–१९ को मतगणना विवादको क्रममा निर्वाचन आयोगको पुनः मतदान गराउने निर्णयकाविरुद्ध अधिवक्ता तुलसी पाण्डे र वडा नम्बर–१९ का उम्मेदवार गुञ्जमान विकले सर्वोच्च अदालतमा दायर रिट निवेदनको सुनुवाइ फेरि सोमबारका लागि सरेको छ । सर्वोच्च अदालतका 
न्यायाधीश मीरा खड्का र अनिलकुमार सिन्हाको संयुक्त इजलासमा सुनुवाइ सुरु भएपनि शुक्रबार नभ्याउने भएपछि सुनुवाइ सोमबारका लागि सारिएको हो ।
यसअघि कामु प्रधानन्यायाधीश गोपालप्रसाद पराजुली र न्यायाधीश हरिकृष्ण कार्कीको इजलासले मतगणनाकाक्रममा च्यातिएका मतपत्र अदालतमा पेश गर्न दिएको आदेश अनुरुप च्यातिएको मतपत्र र आयोगको निर्णय पत्र गत आषाढ १३ १३ गते पेश भइसकेको छ । मतगणनामा भरतपुर महानगरपालिकाको प्रमुख पदका उम्मेदवार एमालेका देवी ज्ञवाली र नेकपा माओवादी केन्द्रका रेणु दाहालबीच तीव्र प्रतिस्पर्धा रहेको
थियो ।
