काठमाडौ श्रावण ५, संविधानत आगामी माघ ७ गतेभित्र सबै तहको निर्वाचन गर्नुपर्ने व्यवस्था अनुरुप आसन्न प्रदेश सभा र संसदीय निर्वाचनको लागि आवश्यक निर्वाचन क्षेत्र निर्धारण आयोग गठनका लागि निर्वाचन आयोगबाट भएको आग्रह अनुसार सरकारले आयोग गठनको तयारी अन्तिम गरेको छ ।
यस सम्बन्धमा निर्वाचन आयोगका पदाधिकारीले प्रधानमन्त्री देउवालाई भेटेर आगामी आह्विनमा प्रदेश सभा र कात्तिकमा राष्ट्रिय सभाको र मङ्सिरको पहिलो हप्तामा प्रतिनिधि सभाको निर्वाचन गर्न उपयुक्त हुने राए सहित प्रदेश सभा र प्रतिनिधि सभा सदस्य निर्वाचन शुरु गर्नुअघि निर्वाचन क्षेत्र निर्धारण आयोगमार्फत निर्वाचन क्षेत्र निर्धारण भएको हुनुपर्ने सुझाव दिनुभएको थियो ।
यसैवीच आयोगको सुझाव अनुसार मन्त्रिपरिषद्को आज बस्ने बैठकले उस सम्बन्धमा नितिगत निर्णय गर्ने सरकारका उपप्रधानमन्त्री कृष्णबहादुर महराले जानकारी दिनुभएको छ ।
प्रस्तुत आयोगका लागि संविधानत व्यवस्था अनुरुप सर्वोच्च अदालतका सेवा निवृत्त न्यायाधीशको अध्यक्षतामा भूगोलविद् , समाजशास्त्री वा मानवशास्त्री प्रशासनविद् र कानूनविद् सदस्य र सरकारको विशिष्ट श्रेणीका अधिकृत सदस्यसचिव रहने व्यवस्था गरिएको छ । यसको लागि सरकारले विभिन्न चरणमा चलफल गर्दै गरेको जानकारी दिदै उहाँले अव प्रमुख प्रतिपक्ष दलसँगको छलफल पछि आयोग गठन हुने उहाँको भनाइ रहेका थियो ।