काठमाडौ आषाढ ७ , सर्वोच्च अदालतबाट सुडान काण्ड अर्थात सुडानको डार्फरमा पठाइने एपिसी खरिद गर्दा भ्रष्टाचार गरेको ठहर गर्दै कैद सजाय सहित 
जरिवाना तोकिएका पूर्वआइजीपी ओमविक्रम राणा, हेमवहादुर गुरुङ, पूर्व एआइजी दिपक सिंह थांग्देन र डिआइजी दिपक श्रेष्ठलाइ डिल्लीबजार कारागार चलान गरिएको छ । बुधबार उनीहरुले सर्वोच्च अदालतमा आत्मसमर्पणगरेसंगै अदालतको आदेश बमोजिम जेल चलान गरिएको हो ।
स्मरण रहोस प्रधानन्यायाधीश सुशीला कार्की र न्यायाधीश विश्वम्भर श्रेष्ठको संयुक्त इजलासले गत वैशाख १७ गते ओमविक्रम राणालाई दुई वर्ष कैद र रु ५० हजार जरिवाना, रमेशचन्द ठकुरी र हेमबहादुर गुरुङलाई एक/एक वर्ष कैद र रु ४० हजार जरिवाना गर्ने फैसला गरेको थियो । यसरी फैसला भएको ६० दिनभित्र आफैँ अदालतमा आएर फैसला कार्यान्वयनमा सहयोग पु-याएबापत अदालतले त्यस्ता आरोपितलाई सजायमा २० प्रतिशत छुट दिने कानुनी प्रावधान रहिआएको छ ।
त्यस्तै प्रस्तु मुद्धामा जोडिएका पूर्वप्रहरी अधिकृत दीपककुमार श्रेष्ठ, रवीन्द्रप्रताप राणा , श्यामसिंह थापा र दीपकसिंह थाङ्ग्देन भने फरार रहेका छन ।
