काठमाडौं आषाढ ११, नेपाल पत्रकार महासंघले शिक्षा विभागको सहकार्यमा विगतका वर्षझै यस वर्ष पनि शिक्षासम्बन्धी विभिन्न पुरस्कारका राष्ट्रिय शिक्षा पत्रकारिता पुरस्कार लागि आवेदन आह्वान गरेको छ । महासंघले आज एक विज्ञप्ति जारी गर्दै राष्ट्रिय शिक्षा पत्रकारिता पुरस्कारमा सहभागी हुने पत्रकारले शिक्षा पत्रकारितामा पु-याएको योगदानसहितको व्यक्तिगत विवरण र २०७३ बैशाख १ गते देखि २०७३ चैत्र मसान्तसम्मका कुनै पनि सार्वजनिक सञ्चारमाध्यममा प्रकाशित/प्रसारित ५ वटा सामग्री पेश गर्नुपर्ने महासंघले जनाउँदै यस्तो आव्हान गरेको हो ।
त्यसैगरी काठमाडौं उपत्यकालाई १ प्रदेश मानी ७ प्रदेशसहित १-१ जनाका दरले ८ वटा प्रादेशिक शिक्षा पत्रकारिता पुरस्कार प्रदान गरिने भएको छ भने आठै प्रदेशबाट २-२ जनाका दरले १६ जनालाई शैक्षिक लेखनवृत्ति प्रदान गरिने र यसको लागि गत बैशाख १ गते देखि २०७३ चैत्र मसान्तसम्मका कुनै पनि सार्वजनिक सञ्चारमाध्यममा प्रकाशित/प्रसारित ५ वटा सामग्रीसहित चाहेको पुरस्कार किटान गरी पेश गर्नुपर्ने जारी विज्ञप्तिमा उल्ल्ेख गरिएको छ ।
साथै विज्ञप्तिमा टेलिभिजन र राष्ट्रिय दैनिक पत्रिकामध्येबाट एक राष्ट्रिय दैनिक र ७ प्रदेश र उपत्यका एक प्रदेश गरी ८ वटा एफ एम रेडियोलाई संस्थागत पुरस्कार प्रदान गरिने उल्लेख गर्दै यसै वर्षदेखि अनलाइन सञ्चारमाध्यमलाई पनि संस्थागत शिक्षा पत्रकारिता पुरस्कारमा सहभागी गराइने भएकोले अनलाइन माध्यमबाट २०७३ बैशाख १ गते देखि २०७३ चैत्र मसान्तसम्म शिक्षासम्वन्धी प्रकाशित/प्रसारित समाग्रीको मूल्याड्कन गरी एउटा अनलाइनलाई संस्थागत शिक्षा पत्रकारिता पुरस्कार प्रदान गरिने भएको छ ।