पत्रकार आर्चायको संयोजकत्वमा समाजको भक्तपुर शाखा गठन
भक्तपुर आषाढ ८, आसन्न नेपाल पत्रकार महासंघको २५ औ महाधिवेशनलाइ दृष्टिगत गर्दै लोकतान्त्रिक छापामाध्यम राष्ट्रिय समाजले आज भक्तपुरमा विशेष छलफल कार्यक्रमको आयोजना गरेको छ । भक्तपुर र काठमाडौं जिल्लाका क्रियाशील ४ दर्जन भन्दा बढि सञ्चारकर्मीको उपस्थित रहेको उक्त छलफलमा आसन्न महासंघको महाधिवेशनको पूर्वतयारी अनुरुप सुझाव संकलन गर्दै यसवीचमा अख्तियार गर्नु पर्ने आवश्यक रणनीति समेतको पहिचान गरिएको थियो ।
कार्यक्रममा समाजका अध्यक्ष दामोदर प्रसाद दवाडी तथा वरिष्ठ उपाध्यक्ष रमेश विष्ठले भक्तपुर पत्रकार महासंघमा निर्वाचित समाज आवद्ध कार्यसमितिका अध्यक्ष पुष्कर बुढाथोकी लगायतका पदाधिकारी तथा सदस्यहरुलाइ सम्मान गर्नु भएको थियो ।
त्यस्तै प्रस्तुत कार्यक्रमपछि समाजले क्रियाशील पत्रकार तथा भक्तपुर पत्रकार महासंघका केन्द्रीय पार्षद पेशल आर्चायको संयोजकत्वमा समाजको भक्तपुर शाखा समेत गठन गरिएको थियो ।