काठमाडौ चैत्र २७, पूर्वअधिराजकुमारी प्रेरणा शाहको स्वास्थ्यमा समस्या देखिएपछि शुक्रवार साँझ नर्भिक हस्पिटलमा उपचार गराउँदै आउँनु भएको छ । केहि दिनदेखि ,वाक्वाकी लाग्ने र टाउको दुखाइको समस्या देखिएपछि उहाँलाइ हस्पिटल भर्ना गरिएको हो।
यसैक्रममा पूर्वअधिराजकुमारी शाहलाइ सेरिव्रल भेनस साइनस् थम्बोसिस भएको जनाउँदै यसको उपचारको लागि स्नायुरोग बिशेषज्ञ पंकज जलान र उहाँका पारिवारिक चिकित्सक डा किशोरजग राणाको निगरानीमा सघन उपचार जारी रहेको हस्पिटलद्दारा जारी विज्ञप्तिमा उल्लेख गरिएको छ ।
त्यस्तै ३९ वर्षीया प्रेरणाको मस्तिष्कमा रगत जमेको र चिकित्सकहरुले दिएको औषधिले उनको स्वास्थ्यस्थितिमा विस्तारै सुधार आइरहेको हस्पिटल स्रोतले जनाएको छ भने उहाँको स्वास्थ्य अवस्थाबारे थप जानकारी समय–समयमा दिने अस्पतालले जनाएको छ।