काठमाडौं माघ १६, निर्वाचन आयोगले नेपालमा पहिलो पटक २०१५ साल फागुन ७ गते आम निर्वाचन भएको स्मरणमा अव प्रत्येक वर्ष फागुन ७ गतेलाई निर्वाचन 
दिवसको रूपमा मनाउने भएको छ । यसअघि फागुन ७ मा नेपालमा प्रजातन्त्र दिवस मनाउँदै आएको थियो ।
त्यस्तै दिवसमा अवसरमा आयोजना हुने मूल समारोहमा राष्ट्रपति, उपराष्ट्रपति, प्रधानमन्त्री, प्रधानन्यायाधीश र सभामुखले मुख्य अतिथिका रूपमा भाग लिनुहुने छ आयोगले जनाएको छ । साथै दिवसका अवसरमा आयोगले प्रभातफेरी, अन्तरसंवाद, आयोगका पूर्व पदाधिकारीको सम्मानका साथै नेपालमा निर्वाचनको इतिहास सम्बन्धी पुस्तकको विमोचन गर्ने जस्ता कार्यक्रम तय गरेको प्राप्त समाचारमा उल्लेख गरिएको छ ।
