काठमाडौँ माघ १२, ट्रान्सपरेन्सी इन्टरनेसनल नेपालले आज सार्वजनिक गरेको प्रतिवेदनमा उल्लेख भए अनुसार भ्रष्टाचार हुने सूचकाङ्कमा समावेश भएका १सय ७६ मुलुकहरुमध्ये सोमालिया सबैभन्दा बढी भ्रष्टाचार हुने मुलुकका रुपमा सूचीकृत भएको छ भने डेनमार्क र न्युजिल्यान्ड सबैभन्दा कम भ्रष्टाचार हुने मुलुकका 
रुपमा चित्रित भएका छन ।
त्यस्तै १सय७६ मुलुकमध्ये नेपाल १ सय ३१ औँ स्थानमा सूचीकृत भएको उल्लेख गरिएको छ । त्यस्तै गरि अन्य मुलुकमध्ये भुटान २७ औँ स्थानमा, भारत ७९ औँ स्थानमा, मालदिभ् ९५ औँ स्थानमा, पाकिस्तान ११६ औँ स्थानमा सूचिकृत भएको प्रतिवेदनमा उल्लेख गरिएको छ । प्रस्तुत प्रतिवेदन विश्व बैंक, वल्र्ड इकोनोमिक फोरम, ग्लोबल इनसाइट, बर्टेल्सम्यान फान्डेसन, वल्र्ड जस्टिस प्रोजेक्ट र भिडिइएमसमेत छ संस्थाद्वारा गरिएको सर्वेक्षणका आधारमा तयार गरिएको ट्रान्सपरेन्सी इन्टरनेसनले जनाएको छ ।
