काठमाडौ पौष ७, व्यवस्थापिका–संसद्को आज अपरान्ह अर्थात १ः०० बजे बस्ने भनिएको बैठक सूचना टाँस गरेर स्थगित गरिएको छ । संसदमा सरकारले संविधान संशोधन प्रस्ताव सदनमा दर्ता गरेपछि प्रतिपक्षीदल नेकपा एमले लगायतले संशोधन प्रस्ताव राष्ट्रघाती भएको भन्दै लगातार संसद बैठक अवरुद्ध गर्दै आएको छ ।
संसद सुचारुको लागि प्रमुख राजनीतिक दलहरुवीच सहमति कायम भइनसकेका कारण बैठक स्थगित गरिएको सम्वद्ध स्रोतले जनाएको छ । स्रोतका अनुसार सहमतिको नाममा बैठक स्थगन हुँदै गर्दा एकातर्फ संसदमा छलफलको क्रममा रहेको अख्तियार दुरुपयोग अनुसन्धान आयोगका निलम्बित प्रमुख आयुक्त लोकमानसिंह कार्कीमाथिको महाअभियोग प्रस्ताव, स्थानीय निकायको निर्वाचनसम्बन्धी विधेयक तथा संविधान संशोधनसम्बन्धी विधेयक समेत अगाडि बढ्न सकेको छैन । जसले गर्दा मुलुक एकपछि अर्को गर्दै अर्णिनयको बन्धक बन्दै गइरहेको बताएका छन ।
यसैक्रममा आजको लागि तय गरिएको बैठक पौष १० गते आइतबार दिनको १ः०० बजे बस्ने गरी स्थगीत गरिएको जारी सूचनामा उल्लेख गरिएको छ ।