काठमाडौं आषाढ १०, काठमाडौँ महानगरपालिकाले राजधानीको लैनचौरमा रहेको खुला स्थानमा बेसमेन्ट पार्किङ निर्माणका लागि सुरु गरिएको प्रारम्भिक अध्ययन प्रतिवेदन आज सार्वजनिक भएको छ । कामपाद्दारा आज आयोजित एक विशेष छलफलमा लैनचौरस्थित ७ रोपनी खाली जग्गामा सवारी पार्किङ स्थल निर्माण गर्ने योजना अनुरुप उक्त प्रतिवेदन सार्वजनिक गरिएको जानकारी दिईएको छ ।
सार्वजनिक गरिएको प्रतिवेदनमा उल्लेख गरिए अनुसार करिव रु ५५ करोड अनुमानित बजेटको लगानीमा सपिङ कम्प्लेक्स सहितको २ तल्लाको बेसमेन्ट पार्किङ बनाउँने योजना रहेको उल्लेख गरिएको छ । त्यस्तै पैदलयात्रु र सार्वजनिक सवारी साधनका लागि सब–वेको पनि निर्माण गरिने बताईएको छ । त्यस्तै उक्त प्रतिवेदनमा प्रस्तुत योजना कार्यान्वयनसंगै ठमेल क्षेत्रमा यातायात साधनबाट हुने जाम कम गर्न र व्यवस्थित रुपमा पार्किङ गर्नका लागि बेसमेन्ट साहयक सिद्ध हुने उल्लेख गर्दै बेसमेन्ट पार्किङ निर्माण गरिएको ३० वर्षसम्म निर्माण कम्पनीले प्रयोग गर्नेछ भने त्यसपछिको समयमा कामपालाई दिनुपर्नेछ । उक्त पार्किङस्थलमा एक पटकमा कार र मोटरसाइकल गरी झन्डै ३५० वटा सवारी साधन पार्किङ गर्न मिल्नेछ बताएको छ ।