सिन्धुली ज्येष्ठ २३, सत्य निरूपण तथा मेलमिलाप अयोगका अध्यक्ष सूर्यकिरण गुरुङले द्वन्द्वको नाममा भएका मानवअधिकार हननका गम्भीर घटनाका दोषीले माफी पाउन नसक्ने बताउनुभएको छ । सिन्धुली जिल्लाको जानकारी लिन त्यहाँ पुथ्नु भएका अध्यक्ष गुरुङले पत्रकारसँगको कुराकानी गर्दै यस्तो अभिव्यक्ति दिनु भएको हो । त्यस्तै उहाँले द्वन्द्वकालीन समयमा भएका रामेछापको दोरम्बा, चितवनको बादरमुढे र कपिलवस्तुमा भएका घटनाको आयोगले निष्पक्ष अध्ययन गरेको भन्दै अध्यक्ष गुरुङले यी र यस्ता घटनाका दोषीलाई कुनै पनि हालतमा माफी दिन नसकिने जनाउ दिदै दोषीलाइ कारबाहीका लागि सरकारसमक्ष सिफरिस गरिने बताउनुभएको प्राप्त समाचारमा उल्लेख गरिएको छ ।
साथै द्वन्द्वकालीन घटनाका दोषी अन्तर्राष्ट्रिय समुदायको त्रासमा रहेको र यदि द्वन्द्वकालीन घटनाका सवालमा सत्य निरूपण तथा मेलमिलाप आयोगले सरकारलाई बुझाएको प्रतिवेदन कार्यान्वयन नभएमा नेपालको शान्ति प्रक्रिया समेत पूर्ण नहँने उहाँको जिकिर रहेको थियो ।