काठमाडौं आषाढ ३, गत वर्षको माघ महिनामा नक्कली शैक्षिक प्रमाणपत्रको आधारमा प्रवेशिका र प्रमाणपत्र तह नै उत्तीण नगरी चिकित्सक भएका एक दर्जन चिकित्सकलाई प्रहरीको केन्द्रीय अनुसन्धान विभागले पक्राउ गरि कारवाही गरेको घटना सेलाउँन नपाउँदै आज नेपाल प्रहरी, केन्द्रीय अनुसन्धान ब्युरोको टोलीले शैक्षिक योग्यताको प्रमाणपत्र नक्कली भएको अभियोगमा आज वीरगन्जबाट ९ जना र भरतपुरबाट ३ जना चिकित्सक गरि १ दर्जन नक्कली डाक्टर लाई पक्राउ गरेको छ ।
प्राप्त समाचारमा उलेख भए अनुसार प्रहरी नायब उपरीक्षक फिरोज बस्नेतको नेतृत्वमा काठमाडाौ बाट गएको टोलीले वीरगन्जको नारायणी उपक्षेत्रीय अस्पतालबाट क्रमस डा कुशराज गिरी, डा सरोजकुमार सिंह, डा पन्नालाल पटेल र वीरगन्जकै नेसनल मेडिकल कलेजबाट डा इरसादुल हक, डा महम्मद राहुल्ला, डा निमेष पाल रमन र डा रामकुमार प्रधान त्यस्तैगरि निजी क्लिनिकमा कार्यरत चिकित्सकद्दय डा दिनेश साह र डा अरुणकुमार गुप्तालाई नियन्त्रणमा लिएको उल्लेख गरिएको छ ।
त्यस्तै प्राप्त समाचारमा जिल्ला प्रहरी कार्यालयपर्सालाइ उदृत गर्दै नियन्त्रणमा लिईएका चिकित्सकको शौक्षिक योग्यताको प्रमाणपत्र नक्कली रहेको उजुरीको आधारमा आवश्यक अनुसन्धानका लागि नियन्त्रणमा लिइएको जनाईएको छ । साथै पक्राउ परेका चिकित्सकलाई छ घन्टासम्म जिल्ला प्रहरी कार्यालय पर्सामा राखी सुरक्षा व्यवस्थाका साथ आवश्यक अनुसन्धानका लागि काठमाडौँ पठाइएको पनि समाचारमा उल्लेख गरिएको छ । यसैबीच प्रहरीले भरतपुमा शैक्षिक प्रमाणपत्र नक्कली बनाई चिकित्सकको काम गर्दै आएका क्रमस चिकित्सकत्रय डा रजनी अग्रवाल, डा सुनिल आचार्य र डा राजन पुरीलाई प्रहरीले नियन्त्रणमा लिएको छ ।
साथमा यो पनि