काठमाडौं ज्येष्ठ २६, फोहरको उचित व्यवस्थापन गरी सहरलाई फोहरबाट मुक्त गर्ने लक्ष्य अनुरुप काठमाडौं महानगरपालिकाले 
फोहोरबाट बायोग्यास निकाल्ने तयारी अन्तिम चरणमा पुगेको र यसको लागि आवश्यक मेसिन ल्याउने तयारी भइरहेको जनाएको छ ।
भारतबाट मेसिन आइपुग्ने सिवत्तिकै बायोग्यास उत्पादको काम सुरु हुने जानकारी दिदै कामपाका कार्यकारी अधिकृत रुद्रसिंह तामाङले नमुना परियोजना अन्र्तगत प्रस्तुत कार्ययोजना तत्काललाइ कामपाको वडा नम्बर २१, १२, १९ र २० मा कुहिने र नकुहिने फोहरको पहिचान गर्दै १४ किलोवाट बायोग्यास उत्पादन गर्ने महानगरको तयारी रहेको जानकारी दिनु भएको छ ।
कामपामा अहिले दैनिक कुहिने र नकुहिने गरी ४५० टन फोहर उत्पादन हुने र यसमध्ये ६३ प्रतिशत जैविक फोहर रहने गरेको महानगरको भनाइरहेको छ ।
