काठमाडौ ज्येष्ठ २३, आज वन्यजन्तुको अवैध व्यापारप्रति शून्य सहनशीलता भन्ने नाराका साथ विश्व वातावरण दिवस र हाम्रो जीवजन्तु, हाम्रो वातावरण र वन संरक्षण गरौं, लगाइ सम्पूर्ण तन, मन र धन’ भन्ने सन्देशका साथ नेपालमा पनि विभिन्न कार्यक्रम गरी मनाइदै छ । हरेक वर्ष ५ 
जुनका दिन मनाइने यो दिवस सन् १९७३ देखि मनाउन थालिएको हो ।
वातावरण संरक्षणका लागि विश्वमै राजनीतिक र सामाजिक जनचेतना जगाउने उद्देश्यका साथ सन् १९७२ को ५ जुनदेखि १६ जुनसम्म संयुक्त राष्ट्रसघंको महासभाले विश्व वातावरण सम्मेलनको आयोजना गरेको थियो ।
संयुक्त राष्ट्रद्वारा घोषित यो दिवस पर्यावरणप्रति वैश्विकस्तरमा राजनीतिक र सामाजिक जागृति ल्याउने उद्देश्यले मनाइन्छ । यस वर्ष विश्वभर वातावरण दिवस मनाउन संयुक्त राष्ट्रसंघले आह्वान गरेको छ ।
