काठमाडौ वैशाख २३, शिक्षा मन्त्रालय र १३ विद्यार्थी सङ्गठनबीच निजी विद्यालयको शुल्क अनुगमनबारे छलफल गर्न बसेको बैठक बिना 
निष्कर्ष सकिएको छ । विहिवार बिहान मन्त्रालयमा भएको छलफलमा शिक्षा मन्त्रालयले विद्यार्थी सङ्गठनको तर्फबाट प्रस्तुत माग पूरा गर्न नसकेपछि बैठक बिनानिष्कर्ष टुङ्ग्इएको विद्यार्थी सङ्घका प्रवक्ता युपी लामिछानेले जानकारी दिनु भएको छ ।
त्यस्तै प्रवक्ता लामिछानेका अनुसार विद्यार्थी सङ्गठन र मन्त्रालयवीच गतवर्ष भएको १० बुँदे सहमति अनुरुप निजी विद्यालयले बढाएको शुल्क अनुगमनको सवालमा मन्त्रालयका पदाधिकारीहरूले तत्काल अनुगमन नसकिने र केही दिनमा संयन्त्र बनाएर अनुगमन गर्ने बताउँदै मन्त्रालयले विद्यार्थी सङ्गठनहरूलाई तत्काल अनुगमन रोक्न गरेको आग्रह सङ्गठनले अस्वीकार गरेपछि बैठक बिनानिष्कर्ष टुङ्ग्इएको हो ।
