भैरहवा ज्येष्ठ ९, , नेपाली कांग्रेसका सभापति शेरबहादुर देउवाले प्रधानमन्त्री केपी शर्मा ओली मनमा जे आयो त्यही बोलेर जनतालाई झुक्याईरहेको दावी गरेका छन । भैरहवामा पार्टी प्रशिक्षण कार्यक्रममा उनले घर घरमा ग्यास पुर्याईदिने, रेल कुदाउने, पानी जहाज चलाउने जस्ता हावादारी कुरा गरेर जनतालाई अल्मल्याई मात्रै रहेको भन्दै ओलीमा बोल्ने तर काम नगरी झुक्याउने चरित्र रहेको दावी गरे ।
प्रधानमन्त्रीले जनतालाई झुठो आश्वासन मात्रै दिने गरेको आरोप लगाउँदै लुम्बिनीमा ५ हजार मानिस अट्ने सभाहल एक बर्ष भित्र बनाउँछु भन्ने कुरा असम्भव भएको दावी गरे । देउवाले संविधान कार्यान्वयन चुनौतिपूर्ण रहेपनि संविधान संसोधनमार्फत असन्तुष्टी संबोधन गर्न सकिने भन्दै जनताको आवश्यकता अनुसार संविधान संसोधन हुँदै जाने स्पष्ट पारे । उनले एमाओवादी नै सरकार ढाल्नु पर्छ भनेर आफुहरुसँग आएकोले आफुहरुले अघि बढ्न सुझाव दिएको स्पष्ट समेत पारेका थिए ।