काठमाडौ ज्येष्ठ १५ , पटकपटक मिति घोषणा हुँदै स्थगन हुँदै आएको नेपाल विद्यार्थी सङ्घको ११औँ महाधिवेशन आगामी असार अन्तिम साता गर्ने प्रस्ताव गरिएको छ । त्यस्तै आगामी ज्येष्ट २५ गते नेपाली काँग्रेसको केन्द्रीय कार्यालयमा बस्ने सङ्घको केन्द्रीय समिति बैठकबाट महाधिवेशनको लागि काठमाडौँ, पोखरा, नेपालगञ्ज वा चितवनमध्ये एक स्थानको पहिचान गर्ने तयारी गरेको छ ।
सङ्घका प्रवक्ता युपी लामिछानेका आुसार संविधानसभाबाट गत असोज ३ गते जारी भएको नेपालको संविधान २०७२ बमोजिम सङ्घीय संरचनाका आधारमा विधान संशोधन गरी महाधिवेशन गरिने प्रस्ताव समेत बैठकमा राखिने जानकारी दिनु भएको छ ।