काठमाडौ ज्येष्ठ १० , कार्यविभाजन लगायतका विषयमा छलफल गर्न नेकपा माओवादी केन्द्रको बैठक आज पनि बस्दैछ । आइतवार बसेको बैठकमा पार्टी अध्यक्ष प्रचण्डले रामबहादुर थापा बादल र देब गुरुङले सह अध्यक्ष र महासचिवमा दावी गरेपछि पार्टीको साङ्गठनिक प्रतिवेदन 
प्रस्तुत गर्ने क्रममा पदिय असन्तुष्टी मिलाउँनको लागि भन्दै ५ जना उपाध्यक्ष, १ जना महासचिव, २ उपमहासचिव, ३ सचिव र १ कोषाध्यक्षको प्रस्ताव गरेको थियो ।
अध्यक्ष प्रचण्डद्दारा प्रस्तुत प्रस्ताव एवम् कार्यविभाजनका सवालमा आज जारी बैठकमा छलफल जारी रहेको भएपनि ६ सय ९९ सदस्यीय केन्द्रीय समितिको पार्टी संरचना रहेको नेकपा माओवादी केन्द्रको आजको बैठकमा वरियताक्रमलाई लिएर विवाद बढेको सम्वद्ध स्रोतले जनाएको छ । यदपी आइतबारको बैठकमा पार्टी अध्यक्ष दाहालले नेतृत्वलाई बहुपदीय प्रणालीमा लैजाने विकल्प अघि सारेका थियो ।
