काठमाडौ बैशाख ५, नेकपा (एमाले) केन्द्रीय प्रचार विभागद्वारा पार्टीका तत्कालीन महासचिव मदन भण्डारी तथा नेता जिवराज आश्रितको स्मृतिमा स्थापित मदन–आश्रित पत्रकारिता पुरस्कार चयनका लागि साहित्यकार तथा पत्रकार नारायण ढकालको संयोजकत्वमा ३ 
सदस्यीय कमिटी गठन भएको छ ।
प्रत्येक जेठ ३ गते –आश्रित स्मृति दिवसको सन्दर्भमा वितरण गरिने रु ५० हजार पुरस्कारको राशि उक्त पुरस्कार चयनका लागि ढकालको संयोजकत्वमा नेपाल पत्रकार महासङ्घका पूर्वअध्यक्ष शिव गाउँले र साहित्यकार वासुदेव अधिकारी सदस्य रहेको समिति गठन गरिएको हो । प्रचार विभागका प्रमुख योगेश भट्टराईले आज जारी गर्नुभएको विज्ञप्तिमा जननेता मदन भण्डारी र कुशल सङ्गठक जीवराज आश्रितका योगदानलाई चिरस्थायी गर्न, पार्टीकोे मार्गदर्शक सिद्धान्त ‘जनताको बहुदलीय जनवाद’ (जबज)का बारेमा थप अध्ययन तथा अनुसन्धानलाई निरन्तरता दिन यो पुरस्कारको स्थापना गरिएको उल्लेख गरिएको छ ।
