काठमाडौँ चैत २६, कानुन व्यवसायीहरुको छाता संगठन नेपाल बार एशोसिएशनको शेरबहादुर केसी नेतृत्वमा बृहत लोकतान्त्रिक प्यानल निर्वाचित भएको छ । केसीले प्रगतिशील प्यानलको नेतृत्व गरेका विजयकान्त मैनालीलाई १८३ मतले हराउँदै निर्वाचित भएको हो । केसीले 
३७९८ र मैनालीले ३६१५ मत प्राप्त गर्नु भएको थियो । बारको २५ पदका लागि भएको निर्वाचनमा अध्यक्ष शेरबहादुर केसी सहित १९ पदमा लोकतान्त्रिक प्यानल विजयी भएको हो । २५ पदका लागि ७१ जना चुनावी मैदान थिए । नवनिर्वाचि त्यस्तै महासचिवमा केसी समूहका खम्मबहादुर खाती र कोषाध्यक्षमा ज्ञानरत्न शाक्य विजयी भएका छन् ।
अध्यक्ष केसीले निर्वाचितभएलगत्तै सैक्षिप्त प्रतिक्रिया दिदै आफ्नो कार्यकालमा बार र बेन्चको सम्बन्धलाई सुमधुर बनाउन प्रतिवद्धता सहित आफु कुनै पनि राजनिनितिक नियुक्तीमा नजाने बताउँनु भएको छ ।
यसैवीच नेपाली कानुन व्यवसायीहरुको छाता संगठन नेपाल बार एसोसिएसनको अध्यक्षमा निर्वाचित शेरबहादुर केसीलाई नेपाली कांग्रेसका बरिष्ठ नेता रामचन्द्र पौडेलले बधाई दिएका छन् । नेता पौडेलले एक विज्ञप्ति जारी गर्दै उनले आफू र आफ्नो पार्टीका तर्फबाट बधाई दिदै स्वतन्त्र न्यायपालिका, मानवअधिकारको रक्षा तथा बार र बेञ्चबीच सुमधुर सम्बन्ध बनाउदै स्वतन्त्र न्यायलयको गरिमालाई कायम राख्दै अझ उचाईमा पुर्याउन सपल होस भन्ने कामना गर्नु भएको छ ।
को-को निवौचित भए नेपाल वारमा:
त्यस्तै, उपाध्यक्षहरुमा पूर्वाञ्चल उपाध्यक्षमा मदनकुमार ,मध्यमाञ्चल उपाध्यक्ष (उपत्यका बाहिर) विनय सिंह,मध्यमाञ्चल उपाध्यक्ष (उपत्यका) मोतिराम गौतम ,पश्चिमाञ्चल उपाध्यक्षमा घनश्याम पन्त निर्वाचिैत हुनुभएको छ । त्यस्तै, दलित सदस्यमा श्यामकुमार विश्वकर्मा, मधेशी÷मुस्लिम(खुल्ला) रमणकुमार कर्ण, आदिवासी÷जनजाति खुल्लामा अस्मिनकुमार राई, आदिवासी/जनजाति (उपत्यका बाहिर) ईन्दु कोइराला विजयी हुनुभयो । महिला खुल्लामा सानुमैयाँ महर्जन, खुल्ला उपत्यका बाहिरमा पद्मबहादुर शाही विजयी हुनुभएकोछ भने ७ सात खुल्ला सदस्यमा ज्ञानेन्द्रप्रसाद अधिकारी, अरुण पौड्याल, लक्ष्मण आचार्य, कृष्णप्रसाद पनेरु, ईन्द्रबहादुर बुढाथोकी विजयी हुनुभएको छ ।
प्रगतिशील समूहबाट जम्मा ३ उपाध्यक्षसहित ६ जना विजय भएका छन् । सो समूहबाट मध्यपश्चिमाञ्चल उपाध्यक्षमा शालिकराम सापकोटा, सुदूरपश्चिमाञ्चल उपाध्यक्षमा कुलानन्द उपाध्याय र महिला उपाध्यक्षमा उषा मल्ल पाठक र खुला सदस्यमा विष्णुमाया भुसाल, कृष्ण आङ्दम्बे , मधेसी (उपत्यका बाहिर) बाट मधुर पाठक विजयी हुनुभएको छ ।
