काठमाडौं चैत्र २४, ३ वर्षअघि ५ जनाको ज्यान जाने गरी गराइएको विस्फोटका मुख्य आरोपी निलम्बित सासद सञ्जयकुमार साह सञ्चार उद्यमी अरुण सिंघानिया हत्यामा समेत संलग्न रहेको खुलासा भएको छ । सिंघानिया हत्याका मुख्य आरोपी चन्द्रदीप यादवले निलम्बित
सासंद साह र उनका सहयोगी रामगोविन्द यादवले सञ्चार उद्यमी सिंघानियाको हत्याका लागि१० लाखको सुपारी दिएको बयान दिएपछि प्रस्तुत घटनाको खुलासा भएको हो ।
प्रस्तत बयानसंगैं सिंघानिया हत्याका आरोपीहरू निलम्बित सासद साह, हत्याको जिम्मा लिने तत्कालीन सशस्त्र समूहका मुकेश चौधरी, गोली प्रहार गर्ने एकलाल भनिने योगेन्द्र सहनी र साहका पूर्वसहयोगी ओम यादवलाई धनुषा ल्याइएको आज पत्रकार सम्मेलनमार्फतउनीहरूलाई सार्वजनिक गरिने भएको छ । स्मरण रहोस सञ्चार उद्यमी सिंघानियालाई ०६६ फागुन १७ मा शिवचोकमा गोली हानी हत्या गरिएको थियो । ०६९ वैशाख १८ मा रामानन्द चोकमा गराइएको विस्फोटमा पाँच जनाको मृत्यु भएको थियो । दुवै घटना साहकै निर्देशनमा भएको प्रहरीको दावी रहेको छ ।