तिमीले गाएको गीत

रुन आउँछ घरी घरी तिमीले गाएको गीत सुन्दा
बिझाउँछ घाउ बिछोडको पिडा बल्झिंदा
रुन आउँछ घरी घरी तिमीले गाएको गीत सुन्दा

सम्हालिन खोज्छ जीवन भुलेर पुराना ति पल
संग संगै बुनेको सपनाको रानी महल
दुखाउँछ छाती घरी घरी यादहरु फर्किदिंदा
निको हुन्नन् घाउहरु जानी जानी कोट्याईदिंदा
रुन आउँछ घरी घरी तिमीले गाएको गीत सुन्दा

रमाउन खोज्छ मन  नयाँ नया“ फुलहरु फुलेको देख्दा
बिहानीको किरण संगै  मन चङ्गा हुँदा
निरासिन्छ जीवन फेरी त्यहि यादमा अल्झीदिंदा
सुक्ने छैन आँशु मेरो छातिमा तिमी जलिदिंदा
रुन आउँछ घरी घरी तिमीले गाएको गीत सुन्दा

– गौतम डंगोल “सन्देश”