काठमाडौ चैत्र २२, आगामी बुधवार हुने संसदीय दलको नयाँ निर्वाचनका आवश्यक संसदीय दलको विधान संशोधनका लागि नेपाली काँग्रेसले संसदीय विशेष छलफल गरेको छ । नयाँ राजनीतिक परिवेशअनुसार विधान संशोधन गर्न आज संसदीय दलको बैठकमा सो 
सम्बन्धमा छलफल सुरु गरेको हो । छलफलबाट दलको मौजुदा विधानमा व्यवस्था रहेको अन्तरिम संविधान, २०६३ को सट्टा संविधान, त्यस्तैगरि संविधानसभाको सट्टा व्यवस्थापिका–संसद्, विकास क्षेत्रको सट्टा प्रदेशलगायत शब्द संशोधन गरिने काँग्रेसले जनाएको छ ।
त्यस्तै बैठकपछि प्रस्तुत एजेन्दामा सहमति कायम गर्दै आजै बस्ने केन्द्रीय समितिको बैठकमा पेश गर्ने तयारी भएको बुझिएको छ भने काँग्रेस संसदीय दलको नेतामा सभापति शेरबहादुर देउवा र वरिष्ठ नेता रामचन्द्र पौडेलले प्रतिस्पर्धा गर्ने निश्चित भएको छ ।
