काठमाडौं चैत्र २९, नेपाल प्रेस युनियनले अनलाइनखबरमा कार्यरत फोटो पत्रकार कविन अधिकारीमाथि चैत्र २८ गते विहान ११ वजे आइतवार नेपाल सरकारको केन्द्रीय प्रसासनिक निकाय सिंहदरवारमा प्रहरीले गरेको दुर्व्यवहार र कुटपीटको घटनाको भत्र्सना गर्दै घटनामा संलग्नहरुलाई कार्वाहीको प्रक्रियामा ल्याई पिडित पत्रकार अधिकारीलाई उपचारको उचित व्यवस्था मिलाउन माग गरेको छ ।
युनियनका महासचिव अजयवावु शिवाकोटीद्दारा जाी प्रस विज्ञप्तिमा सामान्य प्रशासन मन्त्रालयमा भएको निजामती कर्मचारीहरुको विरोध प्रदर्शनको समाचार संकलनका क्रममा फोटोपत्रकार अधिकारीमाथि प्रहरीले गरेको आक्रमणको घटनाले प्रेस जगतमाथि राज्य र तिनका निकायहरुको व्यवहार अहिले पनि निरंकुश शैलीकै रहेको मात्र देखाएको छैन यसले प्रेस तथा अभिव्यक्ति स्वतन्त्रतालाई पनि कुण्ठित गर्ने प्रयास भएको उल्लेख गरेको छ ।
त्यस्तै विज्ञप्तिमा सूचना र सञ्चार नागरिकको अधिकार भएपनि सूचना र समाचार संकलनमा गएका श्रमजिवी पत्रकामाथि कुटपीट गर्ने अमानविय घटनाले पत्रकारिता क्षेत्र र नागरिकले सूचनामा पहुँच राख्न 
पाउने अधिकारप्रति सरकारको अनुदार अनुहार पनि उदाङगिएको जनाउँदै युनियनले फोटो पत्रकार अधिकारीमाथि भएको आक्रमण र कुटपीटको विरोधमा सडकमा उत्रिएको जनाएको छ ।
यसैवीच कठमाडौं युनियनले आज समाचार सङ्कलनका क्रममा प्रहरीले फोटो पत्रकार कविन अधिकारीमाथि कुटपिट गरेको घटनाप्रति नेपाल प्रेस युनियन काठमाडौँ शाखाले आज विारेध प्रदर्शन गरेको छ ।
