काठमाडौं फागुन १९, न्याय परिषदको मंगलवार बसेको बैठकले अवेर राती सर्वोच्च अदालतमा रिक्त रहेको न्यायाधीशका लागि ११ जनाको नाम सिफारिस गरेको छ । प्रस्तुत परिषदको बैठकले कानून व्यवसायीबाट ४ र पुनरावेदन तहका मुख्य न्यायाधीशबाट ७ जना सिफारिस गर्न लागेको सम्वद्धस्रोतले जनाएको छ । परिषदको बैठकले यसरी न्यायाधीशका लागि सिफारिस गरेकाहरुमध्ये क्रमस आनन्दमोहन भट्टराई, ईश्वर खतिवडा, दीपक कार्की, मिरा खड्का, शारदा घिमिरे, केदार चालिसे र विश्वम्भर श्रेष्ठ सिफारिसमा परेका छन् । त्यस्तै अधिवक्ताहरुबाट हरिकष्ण कार्की, प्रकाश राउत, सपना मल्ल र अनिलकुमार सिन्हाको नाम पनि सिफारिस भएको छ ।
सिफारिसपछि अव परिषद्ले संसदीय सुनुवाइ बिशेष समितिमा नाम पठाएको छ । सुनुबाई समितिबाट अनुमोदन भएपछि मात्र राष्ट्रपतिले न्यायाधीश नियुक्त गर्ने संवैधानिक व्यवस्था रहेको छ ।
यसैवीच सर्वोच्च अदालतका लागि न्यायाधीश सिफारिसभएलगत्तै महान्यायाधीवक्ता हरिकृष्ण कार्कीले आफ्नो पदबाट मंगलवारनै राजीनामा दिनुभएको छ । महान्यायाधीवक्ता कार्कीले प्रम केपी शर्मा ओलीमार्फत राष्ट्रपति विद्यादेवी भण्डारीसमक्ष आफ्नो पदबाट राजीनामा दिनुभएको हो । त्यस्तै राष्ट्रपति कार्यालयका अनुसार महान्यायाधीवक्ता कार्कीको राजीनामा राष्ट्रपति भण्डारीले मंगलवारनै स्वीकृत गर्नुभएको छ राष्ट्रपतिको कार्यालयलले जनाएको छ ।