काठमाडौ फागुन २४, महाशिवरात्रिका अवसरमा आज साँझ राष्ट्रपति विद्यादेवी भण्डारीले राजधानीको गौशालास्थित आराध्यदेव भगवान 
पशुपतिनाथको मन्दिरमा पुगेर सभक्ति हिन्दू धर्मावलम्बीको आस्थाको धरोहर देवादीदेव महादेवको पूजा अर्चना सहित दर्शन गर्नुभएको छ । प्रत्येक वर्ष शिवरात्रिमा राष्ट्राध्यक्षले आराध्यदेव एवम् राष्ट्रिय देवता पशुपतिनाथको दर्शन गर्ने प्रचलन अनुरुप उहाँले पनि आज भगवान पशुपतिनाथको दर्शन गर्नु भएको हो ।
यसैवीच महाशिवरात्रिका उपराष्ट्रपति नन्दबहादुर पुनले आज साँझ पशुपतिनाथको पूजा अर्चना सहित दर्शन गर्नुभएको छ । त्यस्तैगरि शिवरात्रिकै अवसरमा पूर्वराजा ज्ञानेन्द्र शाह पूर्व युवराज पारस शाहले आज साँझ पनि अलग अलग समया पशुपतिनाथ मन्दिरमा पुगेर दर्शन गर्नु भएको र त्यस क्रममा मन्दिरमा उपस्थित व्यक्ति एवम् दशनार्थीले पूर्वराजको जयजयकार सहित का नारा लगाएका थिए ।
