कठमाडौं चैत्र ८, नेपालको पाँचदिने औपचारिक भ्रमणमा रहनुभएका बेलायती राजकुमार हेनरी बर्दियामा अवस्थित राष्ट्रिय वन्यजन्तु निकुञ्जको अवलोकनका लागि आज बर्दिया भ्रमणमा जानुहुने भएको छ । भ्रमणको क्रममा राजकुमार ह्यारीले जङ्गलयात्रा, सूर्यपटुवा 
गाविसको जैविकमार्गमा रहेको थारु होमस्टेको समेत गर्नुहुने बताईएको छ ।
यसअघि नेपाल भ्रमणमा रहनुभएका बेलायती राजकुमार ह्यारीले भक्तपुर भ्रमणको क्रममा आइतवार बेलायत सरकारको सहयोगमा नेपाल रेडक्रस सोसाइटी भक्तपुर शाखामार्फत सञ्चालनमा रहेको आपत्कालीन राहत केन्द्रले गर्दै आएको कामकारवाही र सेवाबारे जानकारी लिनुभएको छ ।
त्यस्तै गरि उहाँले ११ महिनादेखि अस्थायी टहरामा बसोबास गर्दै आएका भक्तपुरका भूकम्पपीडित परिवारसंग साक्षात्कार गर्दा पिडितहरु खुवै रमाएका थिए । शिविरको अवलोकनपछि ह्यारीले विश्व सम्पदा सूचीमा रहेको भक्तपुर दरबार क्षेत्रका सम्पदामा भूकम्पले पु¥याएको क्षतिका बारेमा अवलोकन गर्नुभएको थियो ।
