काठमाडौं चैत्र ८, नेपाल पत्रकार महासंघको आज बसेको सचिवालय बैठकले महासंघको आगामी चैत्र १६ गते ६१औं स्थापना दिवस विविध 
कार्यक्रम सहित भव्यतापूर्वक मनाउने निर्णय गरेको छ । महासंघका महासचिव उजिर मगरद्दारा जारी विज्ञप्तिमा उल्लेख भएअनुसार महासंघ केन्द्रीय समितिले चैत १६ गते विहान ७ः०० बजे भृकुटीमण्डपबाट प्रभातफेरी सहित शान्तिवाटिकामा कोणसभा सहित समापन अलावा चैत १७ गते नेपाल महासंघ र राजनीतिकर्मीबीच मैत्रीपूर्ण फूटबल खेल्ने निर्णय गरिएको उल्लेख गरिएको छ ।
त्यस्तैगरि बैठकले महासंघको संस्थागत पुनर्संरचनाका लागि, विधान, महासंघको सांगठनीक ढाँचा बारे छलफलसँगै शाखाले अन्य रचनात्मक कार्यक्रम समेत तय गरी स्थापना दिवस मनाउन आव्हान गरेको छ ।
