काठमाडौ फागुन १९, विहीवारबाट सुरु हुँने नेपाली काँग्रेसको १३ औँ महाधिवेशनमा सहभागी हुन आउनेलाई प्रतिनीधिहरुलाइ भोजन तथा आवास व्यवस्थापन समितिले माछामासुसहितको खाना खुवाउने भएको छ । समितिले पार्टी केन्द्रीय कार्यालय सानेपामा आज पत्रकार सम्मेलन गरी दिएको जानकारी अनुसार रु १ करोड ३ लाख ८६ हजार २५० को अनुमानित बजेटमा सहभागी सम्पूर्ण प्रतिनीधीलाइ मान्साहारी भोजन गराउँने तयारी भएको संयोजक तथा पार्टीका केन्द्रीय सदस्य बलबहादुर केसीले जानकारी दिनुभएको हो ।
त्यस्तै संयोजक केसीले मान्साहारी र साहकारी दुवै भोजनको व्यवस्था गरिएको र आफु अनुकुल चाहनाअनुसार खानपान गर्न सकिने जनाउँदै आवासका लागि भने महाधिवेशन अवधिभर झन्डै रु दुई करोड २० लाख एक हजार ३८४ खर्च हुने अनुमान गरिएको जानकारी दिनु भएको छ । त्यस्तै महाधिवेशन अवधीभरका लासग राजधानीका विभिन्न क्षेत्रमा रहेका १२७ वटा होटलमा व्यवस्था गरिएको जानकारी दिनु भएको छ ।