भक्तपुर चैत १८, आजदेखि देशभर एकै साथ सुरु भएको वर्ष २०७२को प्रवेशिका परीक्षा देशभर शान्तिपूर्ण रुपमा सम्पन्न भएको परीक्षा नियन्त्रणको कार्यालय भक्तपुरले जनाएको छ । आज परीक्षाको पहिलो दिन देशभर १ हजार ४४३ परीक्षा केन्द्रमा बिहान ८ बजेदेखि १०ः३० बजेसम्म सञ्चालन भएको परीक्षामा कुल छ लाख १५ हजार ५५३ परीक्षार्थी सहभागी भएको जानकारी पनिकाले दिएको छ ।
त्यस्तै पनिकाका अनुसार यसपटक नियमिततर्फ ४ लाख ५२ हजार आठ सय ८२ विद्यार्थी सहभागी हुदैछन् । जसमा दुई लाख २५ हजार तीन सय ४६ छात्र र दुई लाख २७ हजार पाँच सय ३५ छात्रा छन् । यो वर्ष छात्रभन्दा दुई हजार एक सय ८९ जना छात्रा सहभागी रहेको त्यस्तै एक्जेम्टेडतर्फ १ लाख ५९ हजार ४ सय १७ परीक्षार्थी छन् । परीक्षामा सबैभन्दा धेरै काठमाडौं जिल्लाबाट ३५ हजार ७ सय २९ जना र सबभन्दा थोरै मनाङबाट ६३ परीक्षार्थी रहेका छन् । यो बर्षदेखि सबैजनाले ग्रेडका आधारमा ‘ग्रेडसिट’ पाउने जनाएको छ ।