ताकि ताकि गुलेली निशाना लाउनेले
पिठ्युमा मत्याङग्राको गोली हान्नेले
मुटुमा चोट दिई गयो
मनमा भंगालो छरी गयो
ताकि ताकि गुलेली निशाना लाउनेले
उसको त्यो नजरको बानले
मेरा नजरहरु शरमले झुकाई दियो
उसको त्यो अधरको गर्मीले
मेरो दिल भित्र यौवन उमाली दियो
देखी देखी नदेखे झैै गर्नेले
मनमा एउटा ओठमा अर्को गर्नेले
मुटुमा चोट दिई गयो
मनमा भंगालो छरी गयो
ताकि ताकि गुलेली निशाना लाउनेले
उसको त्यो इशाराको बोलीले
मेरो मनमा हलचल ल्याई दियो
उसको त्यो मुस्कानको प्यालाले
मेरो जीवनमा नशा चढाई गयो
तर्कि तर्कि नजीक आउनेले
फर्कि फर्कि बाटो देखाउनेले
मुटुमा चोट दिई गयो
मनमा भंगालो छरी गयो
ताकि ताकि गुलेली निशाना लाउनेले
– गौतम डंगोल “सन्देश”
