काठमाडौ माघ २४, अख्तियार दुरुपयोग अनुसन्धान आयोगले सशस्त्र प्रहरी बलको प्रयोजनार्थ आवश्यक सामान खरिद एवम् ढुवानीको 
क्रममा रु ८० लाखभन्दा बढीे भ्रष्टाचार गरेको अभियोग सहित आज बलका तत्कालीन महानिरीक्षक शैलेन्द्रकुमार श्रेष्ठसहित ३जनाविरुद्ध आज विशेष अदालतमा मुद्दा दायर गरेको छ । आयोगले आज आवश्यक अनुसन्धान पछि मुद्धादायर गरिएकाहरुमा तत्कालीन महानिरीष्क श्रेष्ठ सहित सशस्त्रका लेखा प्रमुख तकमान महरा, भण्डार शाखाका प्रमुख रामचन्द्र श्रेष्ठ रहेका छन ।
त्यस्तै आयोगले नक्कली बिल भरपाई बनाएर महानिरीक्षक श्रेष्ठले रु ८० लाख ९३ हजार ६१० र भण्डार शाखाका प्रमुख श्रेष्ठले रु १८ लाख ३९ हजार ५१० भ्रष्टाचार गरेको अनुसन्धानबाट खुलेको जनाएको छ । आयोगले यसअघि अर्का महानिरीक्षक कोषराज वन्तसहित ९ जना अधिकारी विरुद्ध पनि नक्कली बिल भरपाई पेस गरी राज्यकोषदुरुपयोग गरेको भन्दै विशेष अदालतमा छमुद्दा दायरगरिसकेको छ ।
