काठमाडौं फागुन १२, नेपाल बार एसोसियसनको अध्यक्ष पदका लागि डेमोक्रेटिक लयर्स एसोसियसनको तर्फबाट अधिवक्ता शेरबहादुर केसीले मंगलबार उम्मेदवारी घोषणा गरेका छन् । केसीको प्यानलबाट महासचिवमा खम्मबहादुर खाती र कोषाध्यक्षमा ज्ञानरत्न शाक्य र 
उपाध्यक्षहरुमा क्रमस पूर्वाञ्चलबाट मदनकुमार खड्का, मध्यमाञ्चलबाट विनय सिंह, उपत्यकाबाट मोतिराज गौतम, पश्चिमाञ्चलबाट घनश्याम पन्त, मध्यपश्चिमाञ्चलबाट रेवतीरमण भट्टराई, सुदूर पश्चिमाञ्चलबाट गंगाराम पाध्या र महिला तर्फबाट अधिवक्ता शान्ति सेढाईले उम्मेदवारी घोषणा गरेका छन् । बृहत लोकतान्त्रिक, पेशागत तथा समावेशी कानुन व्यवसायी समूह नाम दिइएको केसीको प्यानलबाट महासचिव र उपाध्यक्ष सहित २५ जनाको उम्मेदवारी घोषणा गरिएको हो ।
