नयाँ नेतृत्व चयनका लागि सोमबार देशैभर जिल्ला अधिवेशन हुँदै
काठमाडौ माघ २४, नेपाली काँग्रेसको आसन्न १३औँ महाधिवेशन अन्र्तगत देशैभर एकैसाथ जिल्लाको नयाँ नेतृत्व चयनका लागि सोमबार जिल्ला अधिवेशन हुँदैछ । यसैक्रममा नयाँ नेतृत्वको लागि उम्मेदवारी घोषणाको क्रमले राजधानी लगायत मोफसल आज दिनभर तरङगीत बनेको थियो । जिल्ला अधिवेशनमा एक सभापति, एक सचिव र एक कोषाध्यक्षको निर्वाचन गनेै प्रावधान काँग्रेस विधानमा उल्लेख रहेको छ
। त्यस्तै सदस्यको निर्वाचन भने क्षेत्रीय अधिवेशनबाटै चयन गरिने र बाँकी पदाधिकारी तथा सदस्य मनोनीत गरिने भएको छ ।
जिल्ला अधिवशेनमा सम्बन्धित क्षेत्रका नगर वडा अधिवेशनबाट निर्वाचित क्षेत्रीय प्रतिनिधि तथा गाउँ कार्यसमिति, नगर वडा र नगर कार्यसमितिका सभापति, सो क्षेत्रका सांसद एवम् संविधानसभाको पछिल्लो निर्वाचनमा प्रत्यक्ष र समानुपातिक तर्फबाट पार्टीको उम्मेदवार भएको व्यक्ति र सो क्षेत्रमा रहेका पार्टीको केन्द्रीय समितिका पदाधिकारी एवम् सदस्यले भाग लिनदै पदाधिकारीको चयन गर्ने गरिन्छ । साथै काँग्रेसको विधानत व्यवस्था अनुरुप जिल्ला सभापतिले विजयी हुन खसेको मतको ५० प्रतिशतभन्दा बढी मत अनिवार्य ल्याउनुपर्ने हुन्छ ।
यसैवीच काठमाडौँ काँग्रेसको सभापतिको लागि आज विभिन्न व्यक्तिहरुले आआफ्नो दावी प्रस्तुत गर्दै उम्मेदवारीको घोषणा गरेको छ । यस क्रममा यसअघि पनि काठमाडौँ काँग्रेसका सभापति रहेका भीमसेनदास प्रधानले आज राजधानीमा पत्रकार सम्मेलनको आयोजना गर्दै पुनः उम्मेदवारी दिने घोषणा गर्नु भएको छ । त्यसैगरि पार्टी सभापति सुशील कोइरालाले उद्घाटन गर्ने एवम् एकहजार २६८ जना क्षेत्रीय प्रतिनिधिले मतदान गर्ने बताईएको काठमाडौं अधिवेशनका लागि क्षेत्र नं ४ का महाधिवेशन प्रतिनिधि नरोत्तम वैद्य र यसअघि काठमाडौं काग्रेसका सचिवको जिम्मेवारी सम्हाली सक्नुभएका पुराना युवानेता एवम् क्षेत्र नं ८ का महाधिवेशन प्रतिनिधि राजुराज जोशीले पनि आजै एक कार्यक्रमका वीच जिल्ला सभापतिका लागि आफ्नो उम्म्दावरी घोषणा गर्नुको अलावा आफ्ना प्यानलको तर्फबाट कोषाध्यक्षमा क्षेत्र नं ९ की महिला उम्मेदवार श्रीमीला सुवाललाइ अगाडी ल्याउँनु भएको छ भने सचिवमा क्षेत्र नं २ का हरिचन्द्र श्रेष्ठलाइ उम्मेदवार बनाउँने तयारी रहेको जानकारी दिनुभएको छ । साथै आजै काँग्रेसका महामन्त्री प्रकाशमानसिंह निकट सबुज बानियाँ पनि सभापति लड्दै हुनुहुन्छ । उहाँको प्यानलको सचिवमा राजकुमार नकर्मी र कोषाध्यक्षमा गोबिन्द पुडासैनी रहनुभएको छ । त्यस्तै बानियाँलाई आज काठमाडौँ निर्वाचन क्षेत्र नं १, ३, ४, ५, ७, ८ र १० का सभापतिको भेलाले काठमाडौँ सभापतिको उम्मेदवार घोषणा गरेको थाहा भएको छ
