काठमाडौ पौष १९, व्यवस्थापिका–संसद्को आज बसेको बैठकले नेपालको संविधान (पहिलो संशोधन), विधेयक, २०७२ माथि विचार गरियोस्” भन्ने प्रस्तावमाथिको जारी छलफल समापन गरेको छ । मधेसी मोर्चाको नाराबाजीकै बीचमा विधेयक, २०७२ माथि विचार गरियोस् भन्ने प्रस्तावमाथिको छलफलमा भाग लिँदै सासहरुले प्रदेश सीमाङ्कनलाई , वैज्ञानिक रूपमा कार्यान्वयन गर्न सुझाव दिनुभएको छ ।
यस्तो सझाव दिने सासंदहरुमा क्रमस जीवन परियार र भरतकुमार खड्का रहेका छन । त्यस्तै गरि आजको बैठकमा बोल्दै सासद राजेन्द्रकुमार केसी, रामेश्वर फुयाँल, सुशीलकुमार श्रेष्ठ , प्रेम सुवाल,मिठु मल्ल, सीताराम भण्डारी ,सांसद रुक्मिणी चौधरी, सांसद कल्पना चौधरी र सांसद कमल पङ्गेनीले लोकतन्त्रमा सबै कुरा एकै पटक प्राप्त हुन नसक्ने भएकाले समस्याको समाधान नयाँ संविधानबाट खोजिनु आफैमा लोकतान्त्रिक भएको विचार व्यक्त गर्नु भएको थियो ।
यसैवीच आजको बैठकमा अर्थमन्त्री विष्णुप्रसाद पौडेलले प्रस्तुत गर्नुभएको नेपाल राष्ट्र बैँक (दोस्रो संशोधन) विधेयक, २०७१ र निपेक्ष तथा कर्जा सुरक्षण कोष विधेयक, २०७२ माथि विचार गरियोस् भन्ने छुट्टाछट्टै प्रस्तावलाई सर्वसम्मतिले स्वीकृत गरेको छ । त्यस्तै गरि महिला, बालबालिका, ज्येष्ठ नागरिक र समाज कल्याण समितिका सभापति रञ्जुकुमारी झाले ‘खोप विधेयकसम्बन्धी समितिको प्रतिवेदन, २०७२’ पेस गर्नुभएको थियो । त्यस्तैगरि बैठकले संसद् नियमावली मस्यौदा समितिको कार्यावधि १५ दिन थप्ने प्रस्तावलाई सर्वसम्मतिले स्वीकृति गरेको थियो । सो प्रस्तावलाई सदनमा समितिका सभापति राधेश्याम अधिकारीले पेस गर्नुभएको थियो । संसद्को अर्को बैठक यही पौष २० गते १ः०० बस्ने छ ।