काठमाडौ पौष २२, महानगरीय अपराध महाशाखाले गैरकानुनी रूपमा विदेश पठाउने नेल्को इन्टरनेसनल म्यानपावरका प्रबन्धक विजय खड्कालाई मंगलवार सोमबार गरेको छ । विभिन्न व्यक्तिबाट विदेश पठाउदिने भन्दै रकम ठगी गरी विदेशतर्फ भाग्न लागेको अवस्थामा महानगरीय विमानस्थल सुरक्षा कार्यालयको सहयोगमा महानगरीय अपराध महाशाखाले उनलाई पक्राउ गरेको हो ।
प्रहरीका अनुसार खड्काले काठमाडौ चन्द्रागिरि नगरपालिका–७ बस्ने सागर नेपाली, नरेन्द्र श्रेष्ठ, प्रकाश अमगाई, कैलाशकुमार पाख्रिन, कुमार श्रेष्ठसमेत ६ जनालाई सिङ्गापुर तालिममा पठाई तालिम सकेपश्चात् पानीजहाजमा रोजगारी लगाइदिन्छु भनी गैरकानुनी रुपबाट प्रतिव्यक्ति रु छ लाख ५० हजारका दरले जम्मा रु ३९ लाख लिई ठगी गरेको खुल्न आएको प्रहरीले जनाएको छ । ठगी मुद्दामा आवश्यक कारबाहीका लागि खड्कालाई महाशाखाले महानगरीय प्रहरी परिसर ललितपुर पठाएको महाशाखाले बताएको छ ।