काठमाडौ पौष २७ , सामान्य प्रशासन मन्त्रालयले आज ललितपुरमा आयोजना गरेको ‘निजामती सेवामा महिला’ विषयक अन्तक्र्रिया कार्यक्रमलाइ सम्बोधन गर्दै प्रम केपी शर्मा ओलीले आधा आकाश ओगटेका महिलालाई निजामती सेवामा सहभागी गराई नीतिनिर्माण
तहमा समेत नेतृत्वदायी भूमिका निर्वाहका लागि अवसर दिलाउनुपर्नेमा जोड दिइएको छ ।त्यस्तै उहाँले यावत प्रयासका वावजुद पनि राज्यको तह र तप्कामा महिला सहभागिता गराइए पनि अझैसम्म उनीहरू हिस्सेदार बन्न नसकेको जिकिर गर्दै कहिले नेपाली महिलाले बोक्सीको आरोप त के आरोप बाट प्रताडित बन्नु परेको भन्दै महिलालाइ नीति निर्माण तहमा पु-याउन पहल गर्नु नितान्त आवश्यक रहेको बताउनुभएको छ ।
त्यस्तै अन्तक्र्रिया कार्यक्रममा लोकसेवा आयोगका अध्यक्ष उमेश मैनालीले नीति निर्माण तहमा महिला नपुगेसम्म निजामती सेवामा महिला सहभागिता अशातितरुपमा कम रहेको बताउनु भएको थियो । त्यस्तै नेपाल सरकारका मुख्य सचिव डा सोमलाल सुवेदीले आरक्षण र समावेशितालाई प्राथमिकता दिदै महिलालाई अघि बढाउन सके प्रतिस्पर्धामा तिनले गुणात्मक सुधार ल्याउनसक्ने अभिमत प्रकट गर्नु भएको उक्त कार्यक्रममासामान्य प्रशासन मन्त्रालयका सचिव टङ्कमणि शर्मालगयतले बोल्नु भएको थियो ।
