काठमाडौ मार्ग १६, भारतीय नाकाबन्दी र मधेस आन्दोलनका कारण भइरहेको इन्धनको चरम अभावको समयमा मौका छोप्दै इन्धन लगाउतका उपभोग्य सामानको कालाबजारी गर्न पल्लेका कालाबजारीहरुलाइ महानगरीय अपराध महाशाखाले राजधानीको विभिन्न स्थानबाट मङ्गलबार पक्राउ गरी आज 
महानगरीय प्रहरी परिसर काठमाडौँको जिम्मा लगाएको छ ।
उनीहरुलाई पेट्रोलियम पदार्थसहित पक्राउ गरी कालोबजार तथा केही अन्य सामाजिक अपराध मुद्दामा आवश्यक अनुसन्धान कारबाहीको लागि महाशाखाले महानगरीय प्रहरीको जिम्मा लगाएको हो । महानगरीय अपराध महाशाखाले पक्राउ गरिएका कालाबजारीहरुबाट त्रमस झापा मेचीनगर नगरपालिकाका प्रकाश सापकोटाबाट पेट्रोल ८५० लिटर र डिजेल १६०० लिटर, झापा बाहुनडाँगी गाविसका प्रकाश पन्थ र तेजबहादुर दाहालको साथबाट पेट्रोल ३०० लिटर, झापा धुलाबारी गाविस मनोज साहबाट पेट्रोल १६५ लिटर र डिजेल ११० लिटर, काठमाडौँका प्रज्वल शाक्यबाट १०० लिटर, सुनसरी इनरुवा कावलदेव पोदार र मोरङ इन्द्रपुर गाविस सुनिल पोदारको साथबाट पेट्रोल एक हजार ३३० लिटर र डिजेल ३०० लिटर बरामद गरिएको जनाएको छ ।
