काठमाडौ पौष १३, मधेसको आन्दोलनको समस्या समाधान गर्न प्रमुख तीन राजनीतिक दलवीच साझा अवधारणा बनाएर अगाडि बढ्ने सहमति भएको छ । प्रधानमन्त्री निवास बालुवाटारमा आज बसेको प्रमुख तीन दलको बैठकले यस्तो सहमति कायम गर्दै आन्दोलन र 
भारतको अघोषित नाकाबन्दी जारी राखेका कारण जनजीवन प्रभावित भएको र अर्थतन्त्र नराम्ररी प्रभावित भएको भन्दै समस्या समाधान गर्न सहमतिका साथ अगाडि बढ्ने निष्कर्ष निकालिएको हो ।
आजको तीनदलको बैठक प्रधानमन्त्री निवासको खुला चौर र त्यसमाथि पनि पारिलो घाममा बसेको थियो । बैठकमा प्रधानमन्त्री ओली, वरिष्ठ नेता खनाल, एमाओवादीका अध्यक्ष पुष्पकमल दाहाल, उपाध्यक्ष नारायणकाजी श्रेष्ठ, नेपाली काँग्रेसका सभापति सुशील कोइराला, महामन्त्री प्रकाशमान सिंह तथा नेताहरू डा रामशरण महत र डा मीनेन्द्र रिजाललगायतका नेताहरुको सहभागीता रहेको थियो ।
