काठमाडौै पौष ९, प्रधानमन्त्री केपी शर्मा ओलीले गत असोज २५मा गठन भएको आफु नेतृत्वको गठबन्धन मन्त्रिमण्डल विस्तार गर्नुभएको छ । प्रम ओलीले सरकार गठनको क्रममा सहयोग गरेका साना दलका तर्फबाट ४ जना नयाँ मन्त्री नियुक्त गर्दै कार्य विभाजन समेत गरेका छन । आज नियुक्त हुनुभएका चार मन्त्रीमा राप्रपाका दीपक बोहरालाइ श्रम तथा रोजगार , समाजवादी जनता पाटीका प्रेमबहादुर सिंहलाइ खानेपानी तथा सरसफाइ, नेपाल परिवार दलका एकनाथ ढकाललाइ बिना विभागीय र जनमुक्ति पार्टी(लोकतान्त्रिक)बाट शिवलाल थापालाइ विज्ञान तथा प्रविधि मन्त्रालयकोे जिम्मेवारी दिनु भएको छ ।
त्यस्तै कार्यभार पछि तोकिने गरी नेकपा एमालेबाट दिनेशचन्द्र यादव, दामोदर भण्डारी, बलबहादुर महत, नरदेवी पुन मगर, मञ्जुकुमारी चौधरी र दीपनारायण साहलाई राज्यमन्त्रीमा नियुक्त गरिएको छ । त्यस्तै आज नव नियुक्त मन्त्रीहरुको आजै राष्ट्रपति विद्यादेवी भण्डारीले राष्ट्रपति कार्यालय शीतल निवासमा आयोजित विशेष समारोहमा उहाँहरुलाई पद तथा गोपनीयताको शपथ समेत गराउँने भएको छ । आजको मन्त्रीमण्डल विस्तार संगै ओली नेतृत्वको मन्त्रीमण्डल अव ४० सदस्य पुगेका छन् । जसमा उपप्रधानमन्त्री छ, जना मन्त्री २१जना , राज्यमन्त्री १० जना र सहायकमन्त्री दुई जना रहेका छन् ।
यसैगरि स्वास्थ्य, सूचना तथा सञ्चार र जनसङ्ख्या तथा वातावरण मन्त्रालयको नाम परिवर्तित भएको छ । रामजनम चौधरी स्वास्थ्य, शेरधन राई सूचना तथा सञ्चार, शान्ता मानवी शान्ति तथा पुनःनिर्माण र विश्वेन्द्र पासवान जनसङ्ख्या तथा वातावरणमन्त्रीमा रहनुभएको छ । स्वास्थ्य, सूचना तथा सञ्चार र जनसङ्ख्या तथा वातावरण मन्त्रालयको नाम परिवर्तित गरिएको छ ।