काठमाडौ मार्ग १६, मुलुकमा जारी मधेस आन्दोलनको सम्बोधनको लागि भन्दै गठबन्धन सत्तारुढदल, आन्दोलित रहदै आएको संयुक्त लोकतान्त्रिक मधेसी 
मोर्चा र प्रमुख प्रतिपक्षीदल नेपाली काँगेस सहितको आज साँझ ६ बजेको लागि निर्धारित निर्णायक त्रिपक्षीय वार्ता स्थगित भएको छ ।
प्रधानमन्त्री निवास वालुवाटारमा साँझ ६ बजेका लागि तय भएको प्रस्तुत वार्ता आज नहुने प्रधानमन्त्री केपी ओलीले ट्वीटरमार्फत जानकारी दिनुभएको छ । मधेसी मोर्चाको ११ बुँदे मागका विषयमा काँग्रेस एमाले र एमाओवादीवीच साझा धारणा तय नभएको र मोर्चाका शीर्ष नेताहरु आमसभामा व्यस्त भएका कारण आजको वार्ता स्थगित भएको बताईएको छ । त्यस्तै निर्णायक वार्ताको सवालमा साझा धारणा बनाउन बिहीबार प्रमुख तीन दलको बैठक बस्ने र प्रस्तुत बैठकबाट प्राप्त अवधारणा सहित वार्ताको नयाँ मिति तय गर्दै मोर्चासंग वार्ता गरिने सम्वद्धस्रोतले जनाएको छ ।
